Mungon në stërvitje, Romelu Lukaku do të gjobitet nga Man Utd

11:12 | 7 Gusht 2019
Arbresh Info

Sulmuesi i Manchester United, Romelu Lukaku do të gjobitet nga klubi për mungesën në stërvitje pa leje.

Reprezentues i Belgjikës është stërvitur në Holandë gjatë dy ditëve të kaluara, ndonëse e hëna isha ditë pushimi për lojtarët e United, transmeton portali arbresh.info.

Skuadrat në Serie A si Interi dhe Juventusi vazhdojnë të kërkojnë sulmuesin, i cili nuk ka luajtur në ndeshjet parasezonale për klubin në Premierë Ligë për shkak të lëndimit.

Në muajin korrik, United refuzoi një ofertë 54 milionëshe nga Interi për 26-vjeçarin.

Trajneri i gjigantit italian Antonio Conte ka konfirmuar në të kaluar së sulmuesi vazhdon të jetë shënjestra kryesore e tij duke thënë: “E konsideroj atë si një lojtar që mund ta përmirësojë skuadrën tonë”.

Lukaku iu bashkua “Djajve të Kuq” nga Evertoni për një tarifë prej 75 milionë funta në korrik të vitit 2017 dhe ka shënuar 12 gola në ligë sezonin e kaluar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm